मत गणना भएका ८ वटै वडामा वालेन अगाडि

काठमाडाैँ । काठमाडाैँ महानगरकाे लागि स्वतन्त्र उम्मेदवारी दिएका वालेन साह ६ वटै वडामा अगाडि देखिएका छन्। भृकुटीमण्डपस्थित राष्ट्रिय सभागृहमा महानगरकाे मत गणना भइरहेकाे छ। अहिले सम्म वडानम्बर ३,४,५,६, ३१ र ३२ वडाकाे मत गणना भइरहेकाे हाे । वडा नं. १ र २ काे यसअघि नै मतगणना भएर सकिएकाे छ।

बालेनले वडा नं. १ मा ७ सय ८३ मत ल्याएका छन् । वडा नं. २ मा १२२० मत वालेनकाे नाममा दर्ज भएकाे छ। वालेनकाे वडाअध्यक्ष नभएका कारण अन्य पार्टीका वडाअध्यक्षकाे जीत भइसकेकाे छ।

वडा नं. ३ मा १२७६ मतका साथ अग्रस्थानमा छन् भने वडा नं. ४ मा पनि बालेन शाह १६६९ मतका साथ अगाडि नै रहेका छन्। यसैगरी हालसम्मकाे तथ्यांक अनुसार वडा नं. ५ मा ५७९, वडा नं. ६ मा १२४, वडा नं. ३१ ७ सय ९२ र वडानं. ३२ ७८७ मतका साथ अग्रता कायम राखेका छन्।

याे समाचार तयार पार्दासम्म बालेन शाहकाे ८२४८, केशव स्थापितकाे ४३४२ र सिर्जना सिंहकाे ३७८१ मतभार रहेकाे छ।