आज तराईसहित देशका केही स्थानमा पानी पर्ने

काठमाडौं । मौसम पूर्वानुमान महाशाखाले मनसुनको न्यून चापीय रेखा सरदर स्थानको दक्षिण तर्फ अवस्थित रहेकोले नेपालमा मनसुन केही कमजोर रहेको छ तथापि, बंगालको खाडीबाट जलवाष्पयुक्त हावा भित्रने क्रम रहेको जानकारी दिएको छ ।

हाल देशभर साधारणतया बदली रहेको छ। कोशी प्रदेश,बागमती प्रदेश, गण्डकी प्रदेश र लुम्बिनी प्रदेशका केही स्थानहरु मध्यम वर्षा भईरहेको छ र कर्णाली प्रदेशका पहाडी भू(भागका एक दुइ स्थानमा हल्का वर्षा भईरहेको छ ।

आज दिउँसो देशभर साधारणतया बदली रहनेछ भने बागमती प्रदेश, गण्डकी प्रदेश र लुम्बिनी प्रदेशको तराई र पहाडी भू(भाग लगायत देशको बाँकी पहाडी भू(भागका थोरै स्थानहरूमा तथा बाँकी तराई भू(भागका एक(दुई स्थानमा मध्यम वर्षाको सम्भावना रहेको छ । त्यस्तै लुम्बिनी प्रदेशको तराइ लगायत कोशी प्रदेश र बाग्मती प्रदेशको पहाडी भु(भागको एक दुइ स्थानमा भारी बर्षाको सम्भाबना रहेको छ ।

महाशाखाले आगामी २४ घण्टा कोशी प्रदेशको तराइ र पहाडी,बाग्मती प्रदेशको पहाड र लुम्बिनी प्रदेशको तराइको भू(भागका एक(दुई स्थानमा भारी वर्षाको सम्भावना रहेकोले पछिल्लो मौसमी सूचनाको जानकारी लिनुहुन सर्वसाधारण तथा सबै सरोकारवाला निकायहरूमा अनुरोध गरेको छ ।