खराब मौसमले आन्तरिक उडान प्रभावित, विमानस्थलमा यात्रु अलपत्र

काठमाडाैँ। निरन्तरको वर्षाले उत्पन्न खराब मौसम कारण आन्तरिक उडानहरु प्रभावित हुन पुगेका छन् । त्रिभुवन विमानस्थलबाट हुने आन्तरिक उडानहरु प्रभावित भएको नागरिक उड्यन प्राधिकरणले जानकारी दिएको छ ।

त्यस्तै, आज हुने भनिएका माउण्टेन फ्लाईटहरु पनि रद्द गरिएको छ । आन्तरिक उडान अन्तर्गत पश्चिममा धनगढी, नेपालगञ्ज तथा भैरहवा तथा पूर्वमा सिमरा र जनकपुरका उडानहरु सुचारु छन् भने अन्य गन्तव्यहरुमा उडान हुन सकेका छैनन् । उडानसम्बन्धी जानकारी बुद्ध एयरको मोबाईल एपबाट लिन सकिन्छ ।

त्यस्तै पानी परेर कम भिजिबिलीटी भएका कारण भद्रपुर, पोखरा, भरतपुर, विराटनगर, तुम्लिङटार, सुर्खेतसहितका विमानस्थल खुलेको छैन । ती विमानस्थल नखुलेका कारण काठमाडौंबाट विभिन्न गन्तव्यमा जाने यात्रुको चाप बढेको त्रिभुवन अन्तर्राष्ट्रिय विमानस्थल कार्यालयले जानकारी दिएको छ ।