आपसमा टकराबका बीच एलन मस्कले किन हटाए ट्रम्पविरुद्धको पोष्ट ?

काठमाडौँ । टेस्लाका सीईओ एलन मस्कले अमेरिकी राष्ट्रपति डोनाल्ड ट्रम्पलाई नाबालिगहरूलाई यौन दुर्व्यवहार गरेको आरोप लगाउँदै सामाजिक सञ्जालमा गरेको पोष्ट हटाएका छन् ।

यसअघि बिहीबार मस्कले यस मुद्दामा ठूलो खुलासा गर्ने सनसनीपूर्ण दाबी गरेका थिए । उनले ट्रम्पको नाम एपस्टाइन फाइलहरूमा रहेको दाबी गरेका थिए ।

एपस्टाइन मुद्दा एक उच्च–प्रोफाइल आपराधिक मुद्दा हो जसमा अमेरिकी अर्बपति जेफ्री एपस्टाइनमाथि नाबालिगहरूलाई यौन दुर्व्यवहार र बेचबिखनको आरोप लगाइएको थियो । यस मुद्दामा विश्वभरका धेरै उच्च–प्रोफाइल व्यक्तिहरूको नाम प्रकाशमा आएको थियो ।

मस्कले एपस्टाइन फाइलहरूमा ट्रम्पको नाम रहेको दाबी गरेका थिए ।

मस्कले लेखेका थिए, ‘अब ठूलो खुलासा गर्ने समय आएको छ । ट्रम्पको नाम एपस्टाइन फाइलहरूमा छ । यही कारणले गर्दा तिनीहरूलाई सार्वजनिक गरिएको थिएन ।’

अर्को पोष्टमा उनले भनेका थिए, ‘भविष्यको लागि यो पोष्टलाई चिह्न लगाउनुहोस् । सत्य बाहिर आउनेछ ।’

जेफ्री एपस्टाइनलाई पहिलो पटक २००६ मा फ्लोरिडाको पाम बीचबाट पक्राउ गरिएको थियो । एपस्टाइनलाई वेश्यावृत्ति र नाबालिगलाई प्रलोभनमा पारेको आरोपमा दोषी ठहर गरिएको थियो । यद्यपि, केही मोलमोलाइपछि उनले केवल १३ महिना हिरासतमा बिताए, जसमा कामबाट छुटकारा दिइएको थियो ।

भर्जिनिया गिफ्रे नामकी एक महिलाले २००९ मा आरोप एपस्टाइनले उनलाई नाबालिग हुँदा यौन बेचबिखनमा बाध्य पारेको आरोप लगाएकी थिइन् । २०११ मा गिफ्रेले यस मुद्दामा बेलायतका राजकुमार एन्ड्रयूलाई पनि नाम दिएकी थिइन् । २०१५ मा ग्रिफ्रेले एपस्टाइनविरुद्ध मुद्दा दायर गरिन् । यसले एपस्टाइनको राजकुमार एन्ड्रयू र पूर्व अमेरिकी राष्ट्रपति बिल क्लिन्टनसँगको सम्बन्धको उल्लेख गरेको थियो । एपस्टाइनलाई नाबालिग यौन बेचबिखनको आरोपमा २०१९ मा पक्राउ गरिएको थियो । गिफ्रे आफैंले अदालतमा एपस्टाइनविरुद्ध बयान दिइन् ।