भारतद्वारा दुई हजार भारूका नाेटमा प्रतिबन्ध लगाउने घाेषणा, बजारबाट फिर्ता लिँदै

काठमाडौँ । भारत सरकारले सन् २०१६ देखि जारी गरेको २ हजार दरको नोट नचलाउने निर्णय गरेको छ। भारतीय रिजर्भ बैंकले २ हजार दरको नोट बजारबाट फिर्ता लिने निर्णय गरेको हो।

तर यो दरको नोट अहिले नै प्रयोगमा अमान्य भने हुने छैन। सन् २०१६ मा ५ सय १ हजार दरका नोटमा प्रतिबन्ध लगाएपछि यसको स्थानमा २ हजारको नोट जारी गरेको थियो।

यो नोटको छपाई सन् २०१९ मै बन्द भइसकेको छ। भारतीय २३ मे देखि १३ सेप्टेम्बरसम्म २ हजार दरका सबै नोट फिर्ता लिने निर्देशन बैंकहरूलाई दिएको हो।

तर यो नोट एक पटकमा अधिकतम २० हजार रुपैयाँमात्रै साट्न पाइनेछ।

यो निर्णयको असर नेपालमा पनि देखिन सक्छ। खुला नाका भएका कारण भारतबाट आएका पर्यटकहरूले सिमावर्ती क्षेत्रमा यो नोट प्रयोग गर्ने गरेका थिए।