यामाहा नेपालले महिला टी-२०आई त्रिकोणात्मक शृंखलाको टाइटल प्रायोजन गर्ने

काठमाडौं । प्रदर्शन, विश्वसनीयता र उत्कृष्टताको पर्याय ब्रान्ड यामाहा नेपालले माघ १७ देखि २५ गतेसम्म टीयू अन्तर्राष्ट्रिय क्रिकेट मैदानमा आयोजना हुने ‘महिला टी-२०आई त्रिकोणात्मक शृंखला २०२५’ को टाइटल प्रायोजनको घोषणा गरेको छ। तीन प्रतिस्पर्धी राष्ट्रहरू नेपाल, नेदरल्याण्ड्स र थाइल्याण्डबीच हुने यो प्रतियोगिताका खेलहरू दिउँसो १२:१५ बजे सुरू हुनेछन्।

जोश, शुद्धता र शक्तिलाई मूर्तरूप दिने ब्रान्ड यामाहा नेपालको क्रिकेटसँगको सम्बन्धले देशमा खेलकुद र युवा संलग्नतालाई सघाउने विश्वास गरिएको छ। नेपालमा लोकप्रिय खेलहरूमध्येको एक क्रिकेट यामाहाजस्तो गतिशील ब्रान्डसँग जोडिँदा युवा महिला खेलप्रेमीहरूलाई आत्मविश्वास र दृढ संकल्पका साथ आफ्ना सपनाहरू पछ्याउन प्रेरणा मिल्नेछ।

महिला टी-२०आई त्रिकोणात्मक शृंखलाका बारेमा एमएडब्लू राइड्सका कार्यकारी निर्देशक तथा प्रमुख कार्यकारी अधिकृत दीपककुमार अग्रवालले भने, ‘यामाहा सधैं खेलभावना, प्रदर्शन र क्षमता अभिवृद्धिमा विश्वास गर्दछ। हाम्रा यी मूल्यहरू यामाहा राइडर र क्रिकेट प्रशंसक दुवैसँग दृढतापूर्वक प्रतिध्वनित हुन्छन्। हामी महिला टी-२०आई त्रिकोणात्मक शृंखलाको टाइटल प्रायोजक हुन र नेपालमा क्रिकेटको विकासमा योगदान पुर्‍याउन पाउँदा उत्साहित छौं। यो साझेदारीले खेलकुदलाई सशक्त बनाउने र उत्कृष्टताको संस्कृतिलाई बढावा दिनेछ।’

महिला टी-२०आई त्रिकोणात्मक शृंखाल २०२५ मा तीन अन्तर्राष्ट्रिय टोलीहरूबीचको तीव्र प्रतिस्पर्धाले नेपालमा विश्वस्तरीय क्रिकेटको रोमान्च भित्र्याउने निश्चित छ। यामाहा नेपालको संलग्नतासँगै यो शृंखलाले क्रिकेटप्रेमी, यामाहा प्रशंसक र खेलकुदप्रेमीहरू सबैलाई सहभागी गराई गति, शिल्प र खेलभावनाको रोमाञ्चक संयोजन सिर्जना गर्नेछ।

अत्याधुनिक प्रविधि, उत्कृष्ट प्रदर्शन र असाधारण विश्वसनीयताका लागि परिचित यामाहा एमएडब्लू राइड्सअन्तर्गतको नेपालको अग्रणी दुईपांग्रे ब्रान्ड हो। नवीनता र ग्राहक सन्तुष्टिप्रति बलियो प्रतिबद्धताका साथ यामाहा देशभरका सवारहरूका लागि मनपर्ने विकल्प बनेको छ।