यतीमा यात्रा गर्ने ग्रीस्मा खनालले जितिन् बेनेलीको स्कुटर

काठमाडौं । यती एअरलाइन्सले सञ्चालन गरेको चाडपर्व विशेष ‘यतीसँग, उत्सवको उमङ्ग’ योजनाको बम्पर उपहार ग्रीस्मा खनालले जितेकी छिन् ।

अन्तर्राष्ट्रिय नागरिक उड्डयन दिवसको अवसर पारेर यती एअरलाइन्सले फेसबुक लाइभमार्फत् गरेको ‘लक्की ड्र’ गरेको छ, जसमा ग्रीस्मा खनालले सिट्रोनको तर्फबाट पानारोमा बेनेली १२५ सीसीको स्कुुटर प्राप्त गरेकी हुन् । उनले यती एअरलाइन्समा मंसिर १४ गते काडमाडौं–भैरहवा यात्रा गरेकी थिइन् ।

यस्तै, दोस्रो पुरस्कार मंसिर १२ गते काठमाडौं–बिराटनगर उडान गरेका राजेन्द्र राईले हात पारेका छन् । उनले श्री रिद्धिसिद्ध ज्वेलर्सको तर्फबाट डायमण्डको चेन प्राप्त गरेका छन् । यसैगरी, तेस्रो पुरस्कारको रुपमा पाल्सोनिकको फ्रिज सृजना केसीले प्राप्त गरेकी छिन् । उनले यती एअरलाइन्समार्फत् मंसिर १२ गते काठमाडौं–नेपालगञ्ज उडान भरेकी थिइन् ।

मासिक पुरस्कारको बिजेताहरुमा अरुण कुमार यादव र पदम बहादुर बस्नेत रहेका छन् । उनीहरुले नथिङ्ग नेपालको तर्फबाट सीएमएफ एयरवर्ड प्राप्त गरेका हुन् । साप्ताहिक पुरस्कार जित्नेहरुमा भने तारादेवी बस्नेत, श्रीपति शाहु, सन्जु कृष्ण भट्टराई, डम्बर प्रसाद तिमिल्सिना, रुपेश धिमाल, विकास गुरुङ्ग, रुजन तुलाधर, अनुज ढकाल रहेका छन् । उनीहरुले आइविवि नेपालको तर्फबाट आकर्षक गिफ्टह्याम्पर प्राप्त गरेका छन् ।

यती एअरलाइन्सले चाडपर्वको समयमा यात्रा गर्ने आफ्ना यात्रुहरुलाई लक्षित गरी २ महिना समयावधिको लागि (असोज २२ गतेदेखि मंसिर २१ गतेसम्म) ‘यतीसँग, उत्सवको उमङ्ग’ योजना सार्वजनिक गरेको थियो । यस अवधिभर २ लाख ४ हजार ४ सय ८५ जना यती एअरलाइन्समा यात्रा गरेको यती एअरलाइन्सले जनाएको छ ।

यस चाडपर्व विशेष योजनामा यात्रुहरुको उत्साहजनक सहभागिताले थप उर्जा थपेकोले आगामी दिनहरुमा पनि यसप्रकारका आकर्षक अफरहरु ल्याइरहने यती एअरलाइन्स जानकारी दिएको छ