यज्डी स्क्र्याम्ब्लर मोटरसाइकलले ल्यायो अविश्वसनीय क्यासब्याक अफर

काठमाडौं । यज्डी मोटरसाइकलहरूको एक मात्र आधिकारिक विक्रेता अग्नी मोटोइंकले नयाँ वर्ष २०८१ को अवसरमा आफ्नो यज्डी स्क्र्याम्ब्लरमा जीवनमा एकपटक मात्र पाइने अफर ल्याएको छ ।

अफर अन्तर्गत हरेक राइडरले अविश्वसनीय क्यासब्याक र सबैभन्दा ठूलो छुट पाउने कम्पनीले जनाएको छ । यद्यपि, छुट रकमबारे भने कम्पनीले केही खुलाएको छैन ।

‘हाम्रो शोरुममा आउने सबैले यज्डी स्क्र्याम्ब्लरलाई एकदम मनपराउनु भएको छ । उहाँहरूको यही उत्सुकतालाई साथ दिन हामीले नयाँ वर्षको अवसरमा यज्डी स्क्र्याम्ब्लरमा अविश्वसनीय क्याशब्याक र सबैभन्दा ठूलो छुट दिने योजना ल्याएको हौं,’ अग्नि मोटोइंकका उपमहाप्रबन्धक प्रत्युश श्रेष्ठले भने ।

अन रोड र अफ रोड सबैतिर चलाउन सकिने यो शक्तिशाली यज्डी स्क्र्याम्ब्लर उत्कृष्ट राइडको अनुभव चाहनेरुलाई लक्षित गरी ल्याइएको हो । यस मोटरसाइकलमा बीएससिक्स इन्जिन, परिष्कृत स्लिपर क्लच र अधिकतम सुरक्षाको लागि स्विच गर्न मिल्ने डुअल च्यानल एबीएस राखिएको छ ।

यो अफरमा मोटरसाइकल खरिद गर्नका लागि ग्राहकहरू हाम्रो उत्तरढोका, काठमाडौं तथा नेपालगञ्जमा रहेका शोरुमहरूमा सम्पर्क राख्न कम्पनीले अनुरोध गरेको छ । यज्डी स्क्र्याम्ब्लरको साथै कम्पनीले यज्डी एड्भेन्चर र यज्डी रोड्स्टर पनि बिक्रिवितरण गर्दै आएको छ । यज्डी मोटरसाइकल सन् १९६१ देखि राइडरहरूको मन जित्दै आएको मोटरसाइकल हो ।