शनिबार, फाल्गुन ३०, २०८२
कर्पोरट खबर
11:13 am, शनिबार, फाल्गुन ३०, २०८२
काठमाडौं । नेकपा एमालेका उपमहासचिव योगेश भट्टराईले निर्वाचनको बेला आफूलाई जिम्मेवारी नदिएको आरोपप्रति महासचिव शंकर पोखरेलले मुख खोलेका छन् ।
सामाजिक सञ्जालमार्फत उनले यस आरोपको खण्डन गरेका हुन् । उनले लेखेका छन्– ’अहिले सामाजिक सञ्जालमा योगेशजीले निर्वाचनका समयमा महासचिवसँग जिम्मेवारी माग्दा नपाएको भन्ने चर्चा भएको रहेछ।
तर मैले उहाँलाई वक्ताका रूपमा माग भएका स्थानहरूमा मिलेसम्म गइदिन अनुरोध गरेको कुरा भने कतै उल्लेख भएको देखिनँ। अझ मैले समय मिलेमा दाङमा समेत आउन अनुरोध गरेको थिएँ।
त्यसबेला उहाँले ताप्लेजुङ जानुपर्ने बताउनुभएको थियो। मैले त्यसलाई स्वाभाविक रूपमा लिएको थिएँ। तर अहिले उहाँका नाममा सम्प्रेषित समाचारबाट भने म आश्चर्यचकित भएको छु।’ योगेशको भनाइको अधुरो अंश मात्र सम्प्रेषण भएको हुन सक्ने भन्दै उनले भ्रम नपरोस् भनेर विषय स्पष्ट पारेको उल्लेख गरेका छन् ।
FACEBOOK COMMENTS