निक्षेपको ब्याज एकल अंकमा राख्नु, स्प्रेडदर ४ प्रतिशतभन्दा नघटाउनु: डा. खतिवडा

सहकारीको जिम्मा राष्ट्र बैंकलाई नलिन खतिवडाको सुझाव

काठमाडौं । नेपाल राष्ट्र बैंकका पूर्वगभर्नर‍ डा युवराज खतिवडाले निक्षेपको ब्याज एकल अंकमा राख्न र स्प्रेडदर ४ प्रतिशतभन्दा नघटाउन सुझाव दिए ।

नेपाल व्यवस्थापन संघ (म्यान)ले आगामी आर्थिक वर्षको मौद्रिक नीतिका लागि सुझाव संकलन गर्न आयोजना गरेको छलफल कार्यक्रममा खतिवडाले निक्षेपको ब्याज एकल अंकमा राख्न र स्प्रेडदर ४ प्रतिशतभन्दा नघटाउन सुझाव दिए ।

‘मैले स्प्रेड दर ९ बाट ५ प्रतिशतमा झारें । तपाईंहरुले ४ मा झार्नुभो’ उनले भने, ‘अब नघटाउनुस् । ४ मा हुँदा १०/१२ प्रतिशत प्रतिफल छ, त्यति रहन दिनुपर्छ ।’

खतिवडाले राष्ट्र बैंकलाई सेयर बजारको चिन्ता हुने गरेको भन्दै अब घर जग्गामा पनि ध्यान दिन सुझाव दिए । बैंक र व्यवसायी छुटिन चाहे, संस्थापक बाहिरिन खोजे १० प्रतिशत घटाउन सुझाव दिए ।

फिक्सको रकम निश्चित सीमामा राख्न बैंक आफैंले काम गर्नु पर्ने र यसमा राष्ट्र बैंकले चासो दिन नहुने उनले बताए । खतिवडाले रि फाइनानान्सको रकम बढाउन सुझाव दिए ।

खतिवडाले सहकारीको जिम्मा राष्ट्र बैंकले लिन नहुने बताए । बचत तथा ऋण सहकारी सहितको नियमन गर्न दोस्रो तहको नियामक ल्याउन सुझाव दिए ।

खतिवडाले सीआरआर नचलाउन, सीडी रेसियो नचलाउन सुझाव दिए । खतिवडाले सीडी अहिले नै घाँडो भएको दाबी गरे । उनले सस्तो लोकप्रियताका लागि काम नगर्न आग्रह गरे ।