युथ फोर्स प्रमुखमा नवीन मल्ल

काठमाडौं । नेकपा एमालेसम्बद्ध राष्ट्रिय युवा संघ नेपाल अन्तर जिल्ला कमिटी दोलखाको युथ फोर्स विभाग प्रमुखमा नवीन मल्ल चयन भएका छन् ।

हिजो शनिबार काठमाडौंमा सम्पन्न दोस्रो अधिवेशनले माधव खड्काको अध्यक्षतामा ३१ सदस्यीय नयाँ कार्यसमिति चयन गर्नाका साथै युथ फोर्स विभाग प्रमुखमा मल्ललाई चयन गरेको हो ।

राष्ट्रिय युवा संघ नेपालका केन्द्रीय अध्यक्ष क्षितिज थेवेको प्रमुख आतिथ्यतामा भएको अधिवेशनबाट अन्तर जिल्ला कमिटी दोलखाको उपाध्यक्षमा राजिन्द्र मान सिंह बस्नेत, सचिव सविन सुवेदी, उपसचिवमा मिलन गोले र सन्तोष कार्की तथा कोषाध्यक्षमा अञ्जना जिरेल चयन भएका छन् ।

युथ फोर्स विभाग प्रमुख मल्ल सो कमिटीको पदाधिकारीसरहको हैसियतमा रहने बताइएको छ ।