यम बरालको नयाँ गीत ‘अझ वर वर आउ’ सार्वजनिक

काठमाडौं, २२ भदौ ।  लोकप्रिय  गायक यम बराल आफ्नो नयाँ गीत ‘अझ वर वर आउ’ लिएर आएका छन् । युगल गायन समेटिएको रोमान्टिक शैलीमा तयार गीतमा बराललाई गायिका प्रविशा अधिकारीले स्वरमा साथ दिएकी छन् ।

गीतमा संगीत गायक बरालले नै गरेका हुन् भने शब्दहरू उज्वलराज भट्टराईको रहेको छ । बलराम समालले गीतका संगीत संयोजक गरेका छन् ।

गीतको म्युजिक भिडियोमा अभिनेत्री बेनिषा हमाल तथा मोडल जोर्डन राजभण्डारीको रोमान्स देख्न सकिन्छ । सोनम पाख्रिनद्वारा निर्देशित भिडियो नगरकोटको आकर्षक लोकेशनमा छायांकन गरिएको हो । अभिनेत्री हमाल लामो समयपछि नयाँ म्युजिक भिडियोमा देखिएकी हुन् ।

सुरेन्द्र बसेलको कोरियोग्राफी रहेको भिडियोमा बुद्ध थापाको छायाँकन  र विकास दाहालले सम्पादक रहेको छ ।