अक्षय कुमारको फिल्म सूर्यवंशीको रिलिज मिति घोषणा

 काठमाडौं, चैत १ –बलिवुडको बहुचर्चित फिल्म सुर्यबंशीको रिलिज मिति घोषणा गरिएको छ । रोहित सेट्टीले निर्देशन गरेको सुर्यबंशी अप्रिल ३० मा रिलिज हुने भएको छ ।फिल्ममा अभिनेता अक्षयकुमार र अभिनेत्री कट्रिना कैफको प्रमुख भूमिका रहेको छ । त्यस्तै फिल्ममा गुलसन ग्रोभर, ज्याकी सराफ, सिकन्दर खेर, जावेद जाफरी लगायतको पनि अभिनय रहेको छ ।

 त्यस्तै फिल्ममा अजय देवगन र रनबीर सिंहको विशेष भूमिका रहेको छ । 

फिल्म यसअघि अघिल्लो बर्ष मार्च २४ मा रिलिज गरिने भनिएकोमा कोरोना महामारीका कारण रिलिज स्थगित भएको थियो । अब एक बर्ष एक महिना पछि फिल्म अप्रिल ३० मा रिलिज हुने निर्माण पक्षले एक भिडियो रिलिज गर्दै जानकारी गराएको छ ।

फिल्मको ट्रेलर पनि एक बर्ष अगाडी नै रिलिज भएको थियो ।