अजोड इन्स्योरेन्स र आइएमई बीच नगद रहित बीमा दाबी सहितको बीमा कारोबार गर्न सम्झौता

काठमाडौं, चैत १० – अजोड इन्स्योरेन्स लिमिटेड र आइएमई मोटर्स प्रा. लि तथा आइएमई अटोमोटिभ्स प्रा. लि. बीच नगद रहित बीमा दाबी सहितको बीमा कारोबार गर्न द्धिपक्षीय सम्झौता भएको छ । 

आइतबार आयोजित एक कार्यक्रमका बीच आइएमई मोटर्स प्रा. लि.तथा आइएमई अटोमोटिभ्स प्रा. लि.संग सवारी साधनहरुको दुर्घटना बापत बीमा दाबी प्रक्रियामा नगद रहित बीमा दाबी (CASHLESS CLAIM)  लाई सरल र प्रभावकारी बनाउन अजोड इन्स्योरेन्स लिमिटेडका प्रमुख कार्यकारी अधिकृत श्री कुमार बहादुर खत्री र आइएमई मोटर्स प्रा.ली तथा आइएमई अटोमोटिभ्स प्रा. लि. का नायब प्रमुख कार्यकारी अधिकृत  सुरज भट्टराईले सहमति पत्रमा हस्ताक्षर गर्नु भएको छ ।