अल्का अस्पताल ई–अपोइन्टमेन्ट प्लेट फर्ममा आबद्ध

काठमाडाैं, माघ १८ –अल्का अस्पताल प्रा.लि. मा अबदेखि इसेवाबाट अनलाइन अपोइन्टमेन्ट लिन सकिने भएको छ । अस्पताल नेपालको अग्रणी भुक्तानी सेवा प्रदायक इसेवा र कोजेन्ट हेल्थको सहकार्यमा सुरु भएको ई–अपोइन्टमेन्ट प्लेट फर्ममा आबद्ध भएसँगै अनलाइन अपोइन्टमेन्ट लिन सकिने भएको हो  । 

ई–अपोइन्टमेन्ट सेवा दिने विषयमा अल्का अस्पतालका  तर्फबाट सिओओ सिए दिपेन्द्र पोखरेल र कोजेन्ट हेल्थका तर्फबाट प्रबन्ध निर्देशक डेनियल डि श्रेष्ठले हस्ताक्षर गरेका छन् ।  

अनलाइन अपोइन्टमेन्ट सेवाले अस्पतालको ओपिडी सेवाहरू चुस्त बनाउने र बिरामीहरूको सन्तुष्टी बढाउने अपेक्षा गरिएको छ । साथै अहिलेको कोरोनाको महामारीका बेला यो सेवाले अझ धेरै सहजता ल्याउने पनि अपेक्षा गरिएको छ । 

कोजेन्ट हेल्थ र इसेवाले अस्पतालहरुमा अनलाइनबाट अपोइन्टमेन्ट लिन सकिने सेवाको सुरू गरेसँगै यस प्लेटफर्ममा आबद्ध हुने अस्पतालको संख्या बढ्दो छ ।