आइएमई लाइफ इन्स्योरेन्स र नेपाल बंगलादेश बैंक बीच बैंकास्योरेन्स सम्झौता

आइएमई लाइफ इन्स्योरेन्स कम्पनी र नेपाल बंगलादेश बैंक लिमिटेडबीच बैंकास्योरेन्स सम्झौता भएको छ ।

सम्झौतामा इन्स्योरेन्स कम्पनीका निमित्त महाप्रबन्धक दिनेश अमात्य र नेपाल बंगलादेश बैंकका नायब कार्यकारी अधिकृत सुरेन्द्रभूषण श्रेष्ठले हस्ताक्षर गरेका थिए ।

सम्झौतापश्चात् सर्वसाधारण तथा बैंकका ग्राहकले नेपाल बंगलादेश बैंकको कुनै पनि शाखाबाट छिटो, छरितो र सहज रूपमा आइएमई लाइफ इन्स्योरेन्स कम्पनी लिमिटेडको जीवन बिमा गराउनका साथै जीवन बिमासम्बन्धी जानकारी प्राप्त गर्न सक्ने जनाइएको छ ।