भायानेटले मोबाइल एपमार्फत नै टेलिभिजन हेर्न सकिने सुविधा ल्याउँदै

काठमाडौं, चैत  ४ –इन्टरनेट सेवाप्रदायक भायानेटले मोबाइल एपमार्फत नै टेलिभिजन हेर्न सकिने सुविधालाई थप प्रभावकारी बनाउने भएको छ । त्यसका लागि कम्पनीले हाल मोबाइल एप परिमार्जनको काम गरिरहेको जनाएको छ ।

यसअघि नै कम्पनीले प्रयोगकर्तालाई भायाटिभीको मोबाइल भर्सन उपलब्ध गराउँदै आएको थियो । एप परिमार्जनका क्रममा रहेकाले प्रयोगकर्ताले एप नचलेको गुनासो गरिरहेका छन् ।कम्पनीका अनुसार उक्त एप अबको केही समयभित्रै बजारमा उपलब्ध हुनेछ । भने, नयाँ आउँदा त्यसमा थप नयाँ फिचरहरु समेत उपलब्ध हुनेछ ।

जसमा पेड तथा फ्री गरी विभिन्न कन्टेन्ट उपलब्ध हुनेछ । भने, भायानेटका ग्राहक नभएका प्रयोगकर्ताले पनि प्रयोग गर्न सकिने गरी ल्याउने तयारी भइरहेको उल्लेख छ ।कम्पनीका अनुसार पहिलो चरणमा यो एप भायाटिभीका सेटअप बक्स भएका प्रयोगकर्ताले मात्रै यो एप प्रयोग गर्न सक्ने भएता पनि यसलाई सबै प्रयोगकर्ताले प्रयोग गर्न सकिने खालको सिस्टम तयार भइरहेको छ ।