आइतबार थपिए ३,४७९ जना संक्रमित, ६,६३६ जना संक्रमणमुक्त

काठमाडौं, जेठ २३ – पछिल्लो २४ घण्टामा थप ३४७९ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १०४७१ पीसीआर परीक्षणबाट ३०२४ र ३२६२ एन्टिजेन परीक्षणमा ४५५ जना गरी ३४७९ जनामा संक्रमण पुष्टि भएको हो । यससँगै कुल संक्रमितको संख्या ५ लाख ७६ हजार ९३६ जना पुगेको छ ।

त्यस्तै पछिल्लो २४ घण्टामा ६,६३६ जना संक्रमणमुक्त भएका छन् । योसहित निको हुनेको संख्या ४ लाख ६७ हजार ४६७ जना पुगेको छ । देशभर सक्रिय संक्रमितको संख्या १ लाख १ हजार ८३९ जना रहेको छ ।

त्यस्तै कोरोना संक्रमणबाट ९९ जनाको मृत्यु भएको छ । यससँगै हालसम्म मृत्यु हुनेको संख्या ७ हजार ६३० जना पुगेको मन्त्रालयले जनाएको छ ।