आज पनि घट्यो सुनचाँदीको भाउ

काठमाडौं, कार्तिक १९ – नेपाली बजारमा मंगलबार सुनको भाउ घटेको छ । सोमबार ७१ हजारमा कारोबार भएको छापावाला सुन आज तोलामा २ सय रुपैंयाले घटेर ७० हजार ८ सयमा कारोबार भइरहेको नेपाल सुनचाँदी व्यवसायी महासंघले जनाएको छ । सोमबार पनि सुन तोलाको २ सय रुपैंयाले घटेको थियो ।

त्यसै गरी आज तेजावी सुनको भाउ पनि तोलामा २ सय रुपैंयाले घटेको छ । तेजावी सुन आज तोलाको ७० हजार ५ सय रुपैंयामा कारोबार भईरहेको महासंघले जनाएको छ । मंगलबार चाँदी पनि तोलाको ५ रुपैंयाले घटेर प्रतितोला ८ सय ६५ रुपैंयामा कारोबार भइरहेको छ ।