आर्मीले कीर्गिस्तानको टोलीसँग मैत्रीपूर्ण फुटबल खेल्ने

काठमाडौं, १४ चैत – एएफसी कप खेल्न लागेको त्रिभुवन आर्मी फुटबल क्लबले कीर्गिस्तानको यु–२३ फुटबल टोलीसँग मैत्रीपूर्ण खेल खेल्ने भएको छ ।

आर्मीले कीर्गिस्तानको टोलीसँग भोलि दशरथ रंगशालामा खेल्न लागेको हो । त्रिदेशीय फुटबल खेल्न आएको कीर्गिस्तानको टोली र आर्मीबीच मैत्रीपूर्ण खेल हुन लागेको हो ।

आज नेपाल र बंगलादेशको खेलसँगै कीर्गिस्तान त्रिदेशीय प्रतियोगिताबाट बाहिरिएको छ । त्रिदेशीय फुटबलअन्तर्गत कीर्गिस्तानको टोली पहिलो खेलमा बंगलादेशसँग १–० ले पराजित भएको थियो । दोस्रो खेलमा कीर्गिस्तानले नेपालसँग गोलरहित बराबरी खेलेको थियो ।