इटालियन सिरी ‘ए’ : सानदार जित निकाल्दै इन्टर मिलान शीर्ष स्थानमा

काठमाडौं, माघ २४-  गए राति इटालियन सिरी ‘ए’ अन्तर्गत भएको खेलमा इन्टर मिलानले सानदार जित निकालेको छ । 

निकै रोमान्चक बनेको उक्त खेलमा इन्टर मिलानले  फियोरेन्टिनालाई २-० गोलले पराजित गरेको हो । 

उक्त खेलको ३१ औं मिनेटमा इन्टरका निकोलो बरेलाले गोल गरी टिमलाई अग्रता दिलाए । त्यसपछि खेलको ५२ औं मिनेटमा पेरिसिचले गोल गरी इन्टरलाई जित दिलाए । 

जितसँगै इन्टरले खेलका ४७ अंक जोड्दै शीर्ष स्थानमा उक्लिएको छ । त्यस्तै पराजित भएको फियोरेन्टिनाले २२ अंक जोड्दै १२ औं स्थानमा रहेको छ ।