उद्योग वाणिज्य महासंघका उपाध्यक्ष उम्मेदवार जुवाखालबाट पक्राउ

काठमाडौं,२० जेठ – उद्योग वाणिज्य महासंघका उपाध्यक्ष पदका उम्मेदवार रामचन्द्र सांघाई जुवा खालबाट पक्राउ परेका छन् । काठमाडौंको कमलादीस्थित एक होटलमा जुवा खेलिरहेको अवस्थामा उनी सहित अन्य ९ जना व्यापारी पक्राउ परेका हुन ।

जुवा खेलिरहेका उनीहरुलाई २ लाख ७७ हजार ७ सय २० रुपैयाँसहित प्रहरीले नियन्त्रणमा लिएको हो । पक्राउ पर्नेमा होटल साहु सहित अशोक अग्रवाल, पुरुषोत्तम अग्रवाल, गोविन्द सरिया आदि छन् । उनीहरु सबैलाई महानगरीय प्रहरी वृत दरबार मार्गबाट खटिएको प्रहरी टोलीले नियन्त्रणमा लिएको दरबार मार्ग प्रहरी वृतले जानकारी दिएको छ । रामचन्द्र संघाई युवा ब्यवसायी सौरभ ज्योतिको विपक्षमा चुनाब लडदै थिए । चैत्र २९ गते हुनलागेको चुनाव कोरोना महामारीका कारण पछि सारिएको छ ।