ऋचाले गरिन् दिपेक्ष्य राणासँग विवाह

काठमाडौं,मंसिर २१ – अभिनेत्री ऋचा शर्माले विवाह गरेकी छिन्। उनी व्यवसायी दिपेक्ष्य राणासँग विवाह बन्धनमा बाँधिएकी हुन्।

काठमाण्डौमा आयोजित बिहे समारोहमा निकै नै कम चलचित्रकर्मीलाई मात्र निमन्त्रणा गरिएको थियो । बिहेमा ऋचा निकट मानिने केही नायिकाहरु मात्र उपस्थित थिए। ऋचा र दिपेक्ष विगत २ बर्षदेखि प्रेम सम्बन्धमा थिए ।

केही समय अघि उनले पोखरामा आफ्ना नजिकका साथीलाई ब्याचलर पार्टी दिएपछि मात्र उनको प्रेमसम्बन्धबारे चर्चा चुलिएको थियो।