कमेडी च्याम्पियनको दोस्रो सिजन आजबाट टेलिभिजनमा प्रसारण हुँदै

काठमाडौँ, फागुन २१ – चर्चित रियालिटी सो कमेडी च्याम्पियन को दोस्रो सिजन आजदेखि टेलिभिजनमा प्रशारण हुने भएको छ । आजदेखि कमेडी च्याम्पियनको दोस्रो सिजन कान्तिपुर टेलिभिजनबाट प्रसारण हुने भएको हो। 

विशाल भण्डारीले  निर्देशन गरेको कमेडी च्याम्पियनको पहिलो सिजन पनि दर्शकले रुचाएका थिए । पहिलो सिजनमा हिमेश पन्त कमेडी च्याम्पियन बनेका थिए । अब दोस्रो सिजन पनि टेलिभिजनमा प्रसारण हुने तयारीमा छ । 

भदौ १५ गतेबाट सुरु भएको डिजिटल अडिसनमा ६ हजार भन्दा बढी सहभागी भएको थिए । जसमा २४ जनालाई फिजिकल अडिसनबाट छनोट गरिसकिएको छ । 

कमेडी च्याम्पियनको विजेता हुनेले २५ लाख नगद र कार पुरस्कार पाउनेछ । कमेडी च्याम्पियन कार्यक्रमका निर्माता विशाल भण्डारी तथा जजमा सन्तोष पन्त, मनोज गजुरेल, प्रदीप भट्टराई र ऋचा शर्मा रहेका छन् ।