काठमाडौं उपत्यकामा एकैदिन थपिए ३,३४९ जना नयाँ संक्रमित, बागमतीमा ४ हजार ३०७

काठमाडौं, वैशाख ३१ – शुक्रबार देशभर कोरोना भाइरसका ८ हजार ५२० जना संक्रमित थपिँदा काठमाडौं उपत्यकामा मात्रै ३ हजार ३४९ जना थप भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टाको अवधिमा काठमाडौंमा मात्रै २ हजार ४५८ जना नयाँ संक्रमित थपिएका छन् ।

त्यस्तै, ललितपुरमा ५५६ जना र भक्तपुरमा ३३५ जना संक्रमित थपिएका हुन् । अघिल्लो दिन काठमाडौं उपत्यकामा ५,५६२ जना संक्रमित थपिएका थिए

यो सहित राजधानी समेत रहेको बागमती प्रदेशमा शुक्रबार ४ ३०७ जना संक्रमित थपिएका छन् । शुक्रबार काभ्रेपलाञ्चोकमा १६८, चितवनमा २८७, दोलखामा २१, धादिङमा ७३, नुवाकोटमा ६७, मकवानपुरमा १५६, रसुवामा ५, रामेछापमा ४२ जना, सिन्धुपाल्चोकमा ६२ र सिन्धुलीमा ७७ जना संक्रमित थपिएका छन् ।