काठमाडौं उपत्यकामा सक्रिय संक्रमितको संख्या ४० हजार ७७४ पुग्याे (१ हजार ७४२ काे मृत्यु)

काठमाडौं, ४ जेठ – काठमाडौं उपत्यकामा संक्रिय कोरोना संक्रमितको संख्या ४० हजार नाघेको छ । उपत्यकाका तीन जिल्ला काठमाडौं, ललितपुर र भक्तपुरमा हाल सक्रिय संक्रमितको संख्या ४० हजार ७७४ रहेको छ । 

स्वास्थ्य तथा जनसंख्या मन्त्रालयले सोमबार सार्वजनिक गरेको तथ्यांक अनुसार काठमाडौंमा सबैभन्दा धेरै २८ हजार ५२७, ललितपुरमा ७ हजार १७१ र भक्तपुरमा ५ हजार ७६ सक्रिय संक्रमित छन् । 

हालसम्म यी तीन जिल्लामा १ हजार ७४२ जनाको कोरोना संक्रमणका कारण मृत्यु भइसकेको छ । सबैभन्दा धेरै काठमाडौंमा १ हजार १८९ संक्रमितको मृत्यु भएको छ भने ललितपुरमा ३१८ र भक्तपुरमा ३२५ को मृत्यु भइसकेको छ । हाल यी तिनवटै जिल्लामा स्थानीय प्रशासनले कोरोना नियन्त्रणका लागि निषेधाज्ञा जारी गरेका छन् । 

हाल नेपालमा कूल सक्रिय कोरोना संक्रमितको संख्या १ लाख १३ हजार ४८० रहेको छ । मृत्यु हुनेको संख्या ५ हजार २१५ पुगेको छ । हालसम्म नेपालमा कोरोना संक्रमितको संख्या ४ लाख ६४ हजार २१८ पुगेको छ भने निको हुनेको संख्या ३ लाख ४५ हजार ५२३ पुगेको मन्त्रालयले जनाएको छ ।