काठमाडौं उपत्यकामा ६ जना कोरोना संक्रमित थपिए

काठमाडौं, साउन १२ – पछिल्लो २४ घण्टामा काठमाडौं उपत्यकाका थप ६ जनामा कोरोना संक्रमण पुष्टि भएको छ । स्वास्थ्य मन्त्रालयका प्रवक्ता डा. जागेश्वर गौतमले काठमाडौंका तीन र ललितपुका तीन जनामा कोरोना संक्रमण पुष्टि भएको जानकारी गराए ।

योसँगै आज देशभर एक सय ३९ जनामा कोरोना संक्रमण पुष्टि भएको छ । यससँगै नेपालमा कोरोना संक्रमितको संख्या १८ हजार ७ सय ५२ पुगेको छ ।

यस्तै पाँचथर, भोजपुर, संखुवासभा, रसुवा, मनाङ र मुस्ताङ कोरोना संक्रमण मुक्त जिल्ला भएको छ ।