कुलोको विषयमा विवाद हुँदा दाङमा चल्यो गोली

काठमाडौं, जेठ २८ – कुलोको विषयमा भएको विवादमा दाङको तुल्सीपुरमा गोली चलाएको आरोपमा प्रहरीले एक युवकलाई पक्राउ गरेको छ ।जिल्ला प्रहरी कार्यालय दाङका डीएसपी मुकुन्दप्रसाद रिजालका अनुसार पक्राउ पर्नेमा तुल्सीपुर उपमहानगरपालिका –८ का पूर्णबहादुर वली रहेका छन् ।

प्रहरीले उनीसँग भएको पेस्तोल र ६ राउन्ड गोली पनि बरामद गरेको छ । वलीले चलाएको गोली कसैलाई लागेको छैन ।

अहिले प्रहरीले कसलाई गोली हान्न खोजेको र हतियार कहाँबाट आयो भन्ने विषयमा अनुसन्धान गरिरहेको बताएको छ ।