केरुङमा हिमपात भएपछि नेपाल आउने तयारीमा रहेका कन्टेनर उतै रोकिए

काठमाण्डौँ — केरुङमा बाक्लो हिमपात भएपछि नेपाल आउने तयारीमा रहेका कन्टेनर उतै रोकिएका छन् ।

हिमपातसँगै चिसो बढेपछि कन्टेनरमा सिल लगाउने कामसमेत रोकिएको छ।

बुधबार करिब एक सय वटा कन्टेनरमा सिल लगाउने तयारी भएको थियो ।

केरुङ जान लागेका कन्टेनर पनि बाटोमै रोकिएका छन् ।

ठोङसाभन्दा माथि बाक्लो हिमपात भएको सीमा प्रहरी चौकी टिमुरेका सई कुमार थापाले बताए । ‘

हल्का वर्षासँगै मंगलबार रातिबाट रसुवा जिल्लाको उच्च हिमाली भू–भागमा हिमपात भएको छ ।

.— कान्तिपुर