कोरोना भाइरसका कारण ज्यान गुमाउनेको सङ्ख्या २ हजार नाघ्यो

काठमाडौं, फागुन ७ – चीनको वुहानबाट फैलिएको कोरोना भाइरसबाट ज्यान गुमाउनेको सङ्ख्या दुई हजार नाघेको छ । अन्तर्राष्ट्रिय सञ्चारमाध्यमहरुको अनुसार चीन सहित विश्वभर कोरोनाको संक्रमीतको संख्या ७४ हजार भन्दा बढी पुगेको छ ।

चीनमा दुई हजार एक जना र चीनबाहिरका देशमा चार जना गरी ज्यान गुमाउनेको सङ्ख्या दुई हजार पाँच पुगेको समाचार संस्था सीएनएनले जनाएको छ । गएको २४ घण्टामा मात्र एक सय ३२ जनाले ज्यान गुमाएका छन् । केही दिनदेखि ज्यान गुमाउनेको सङ्ख्या घटिरहेको भए पनि मङ्गलबार ज्यान गुमाउनेको सङ्ख्या फेरि बढेको हो ।

चीनमा हालसम्म १२ हजार ५ सय ४२ जनामा कोरोनाको सफल उपचार भईसकेको छ ।