कोरोना संक्रमणबाट म्याक्स टीभीका संचालक लामाको निधन

काठमाडौँ, जेष्ठ ५ –  कोरोना संक्रमणपछि उपचाररत केवल टेलिभिजन प्रदायक संस्था मेगा म्याक्स टिभी प्रालिका संचालक सुशिलकुमार लामाको ५६ वर्षको उमेरमा निधन भएको छ ।कोरोना देखिएपछि पोखरामा उपचाररत लामाको स्वास्थ्य जटिल बनेपछि थप उपचारका लागि हेलिकप्टरबाट काठमाडौं लगिएको थियो । धापासीस्थित ग्राण्डी इन्टरनेशनल अस्पतालमा आईसीयूमा उपचारको क्रममा हिजो साँझ साढे ६ बजे उनको निधन भएको हो ।

२५ वर्षभन्दा बढी समयदेखि केवल व्यवसायमा संलग्न भई पोखरा केवल नेटवर्क प्रालिका सह-संस्थापक एवं संचालक थिए ।ग्रिन तङ्गवे लिमिटेडका अध्यक्ष  रहेका लामाको जन्म २०२२ मंसिर २ मा कास्कीको पोखरामा भएको हो । उनका श्रीमती र दुई छोरा छन् ।  लामा रेडियो अन्नपूर्ण पोखराका सञ्चालक ताङ्गवे समाजका अध्यक्षसमेत थिए ।