कोरोना संक्रमणबाट स्पेनकी राजकुमारीको मृत्यु

काठमाडौं, चैत्त १६ – कोभिड–१९ को संक्रमणबाट स्पैनकी राजकुमारी मारिया टेरेसाको निधन भएको छ । ८६ वर्षीया राजकुमारी स्पेनको बौर्बन राजपरिवारको सदस्य थिइन्।

बौर्बन राजपरिवारका राजकुमार एवम् राजकुमारीकी कान्छो भाई सिक्सटस हेनरीले टेरेसाको निधनको पुष्टि गरेका हुन् । उनीहरु फ्रान्सेली क्याप्टियन वंशका हुन् ।

मारिया टेरेसाको जन्म जुलाई २८, १९३३ मा भएको थियो । राजकुमारी मारियाको कुनै सन्तान छैन् । उनी भतिजाभतिजीको आश्रयमा रहँदै आएकी थिइन् । यसअघि बेलायती राजकुमार चाल्र्समा पनि कोरोना भाइरसको संक्रमण देखिएको थियो ।