कोरोना संक्रमित बिरामीलाई उपचार गर्दै आएका निजी मेडिकल कलेजले कोरोना परीक्षण गर्न पाउने

काठमाडौं, भदौ १० – स्वास्थ्य संस्थाहरूले पीसीआर परीक्षण गर्न प्रयोगशाला संचालनका लागि माग गरिहेका बेला निजी मेडिकल कजेलहरूलाई परीक्षणको अनुमति दिइएको छ । सरकारले अनुमति दिएसँगै कोभिड–१९ (कोरोनाभाइरस) संक्रमित बिरामीलाई उपचार गर्दै आएका निजी मेडिकल कलेजहरूले प्रयोगशाला स्थापना गर्न पाउने भएका छन् ।

निजी मेडिकल कलेजले पीसीआर परीक्षण गर्ने अनुमतिका लागि एक तिहाई बेड कोभिड १९ का बिरामीलाई छुट्याउनुपर्ने राष्ट्रिय जनस्वास्थ्य प्रयोगशालाका डाक्टर मुकुन्दा शर्माले बताए ।
निजी प्रयोगशालालाई कोभिड १९ को परीक्षण पीसीआर गर्ने अनुमति दिने निर्देशिका ०७७ अनुसार प्रयोगशालाहरुको मापदण्ड पुगेको हुनुपर्ने राष्ट्रिय जनस्वथ्य प्रयोगशाला टेकुले जनाएको छ ।