गल्ती नगरे व्यवसायी डराउनु पर्दैन् : अर्थमन्त्री खतिवडा

काठमाडौं, पुस २८ – नेपाल चेम्बर अफ कमर्शको ७० औं बार्षिकोत्सव आज सम्पन्न भएको छ । बार्षिकोत्सवको अवसरमा अर्थमन्त्री खतिवडाले कानूनको डर गल्ती गर्ने तथा अपराध गर्नेहरुलाई मात्र हुने भएकोले सम्पत्ती शुद्धिकरण तथा राजश्व अनुसन्धानको डर नमान्न व्यवसायीहरुलाई आग्रह गरेका छन् ।

कार्यक्रममा बोल्दैं अर्थमन्त्रीले भने तपाईहरुले गल्ती नै गरेको छैन भने किन डराउनु हुन्छ रु डर तिनलाई लाग्छ जसले गल्ती गर्नु भएको छ । गल्ती नगर्नुस् र नडराउनुस्’। उनले नेपालमा लगानीको वातावरण छैन भन्ने आरोपमा पनि कुनै दम नभएको पनि दावी गरे ।

अर्थमन्त्री खतिवडाले वस्तु आयातमा मूल्य घटाएर एलसी खोल्ने बैंकहरुलाई कारबाही गर्ने चेतावनी समेत दिए । बैंकहरुले १ सय रुपैयाँको वस्तुको ४० रुपैयाँ मूल्य निर्धारण गरेर एलसी खोल्ने गरेकोले विकृति बढेको उनले बताए ।

अर्थमन्त्रीले अगाडी भने आर्थिक परिसूचकहरु जे छन् ति तिनै छन् । त्यसलाई मैले बढाई चढाई गरेर पनि हुँदैन र कसैले खतम भयो भनेर आलोचना गरेर पनि हुँदैन् । ति जहाँ छन त्यहि छन् । मुलुक उच्च आर्थिक वृद्धिको बाटोमा छ । मुलुक उच्च आर्थिक वृद्धिको बाटोमा जानलाई के सबै सरकारको सार्वजनिक लगानीबाट मात्रै त्यो पुरा भएको होला त रु पक्कै पनि होइन् । सरकारले त एक तिहाई भन्दा बढी लगानी गर्दैन । दुई तिहाई भन्दा बढी लगानी त जहिल्यै निजी क्षेत्रकै हुन्छ । जसको कारणले समग्र अर्थतन्त्र गतिशिल अवस्थामा अघि बढेको छ । यो तथ्य विहिन कुरा होइन, विवरणहरुले यहि भन्छ ।

कार्यक्रममा नेपाल चेम्बर अफ कमर्सका अध्यक्ष राजेशकाजी श्रेष्ठले वस्तु तथा सेवाको निकासीमा सरकारले दिने अनुदान सहज प्राप्त नहुने भएकोले नेपालको उत्पादन अन्तर्राष्ट्रिय बजारमा प्रतिस्पर्धी बन्न नसकेको बताए । त्यसका लागि सरकारले बिना सर्त सहयोग गर्नुपर्ने बताए ।

अध्यक्ष श्रेष्ठले सरकारका नीति र व्यवहारका कारण अझै पनि व्यवसायिक वातावरण बिग्रिएको बताए । कार्यक्रममा उद्योग बाणिज्य तथा आपुर्ति राज्य मन्त्री मोतिलाल दुगडले निजी क्षेत्रको मनोबल उकास्न सरकार प्रयत्नशील रहेको बताएका थिए ।