गुराँस लघुवित्त वित्तीय संस्थाको चौथो वार्षिक साधारण सभा सम्पन्न

काठमाडौं, मंसिर १५- गुराँस लघुवित्त वित्तीय संस्थालि. को चौथो वार्षिक साधारण सभा संस्थाका अध्यक्ष उदयनारायण बरालको अध्यक्षतामा शनिबार धनकुटामा सम्पन्न भएको छ ।

साधारण सभाले संचालक समितिको वार्षिक प्रतिवेदन, चुक्तापूँजी ७ करोड ७५ लाखको ८.०१ प्रतिशत लाभांश प्रस्ताव पारित गरेको छ । साथै, सभाले सर्वसाधारण शेयरधनीहरुको तर्फबाट ओम प्रकाश प्रसाई र डा. प्रियंका कटवाललाई निर्विरोध संचालकमा निर्वाचित गरेको छ ।

यस वित्तीय संस्थाले प्रदेश नं. १ अन्तर्गतका १० जिल्लाकार्य क्षेत्र रहेकोमा ४ जिल्ला थप गरी प्रदेश नं. १ का सम्पूर्ण जिल्लाहरुमा कार्यक्रम विस्तार गर्ने गरी प्रदेश स्तरीय संस्था रहने निर्णय गरेको छ । संस्थाल ेहाल २६ वटा शाखा कार्यालय मार्फत १२ हजार भन्दा बढी विपन्नवर्गका परिवारलाई रु.७० करोड भन्दा बढी कर्जा प्रवाह गरी रु.११ करोड भन्दा बढी बचत परिचालन गरेको छ । बोनस शेयर वितरण पश्चात वित्तीय संस्थाको चुक्तापूँजी रु.८ करोड ३४ लाख पुगेको छ ।