चन्द्रागिरिमा ‘भ्यालेन्टाइन डे’ मा जाेडीहरुलाई लक्षित कार्यक्रम हुने

काठमाडौं – चन्द्रागिरि हिल्सले प्रणय दिवसलाई लक्षित गर्दै मनोरञ्जनात्मक कार्यक्रमको आयोजना गर्ने भएको छ ।

कम्पनीले फेब्रुअरी १४ मा उक्त कार्यक्रम गर्न लागेको हो ।

कम्पनीका अनुसार कार्यक्रम दिउँसो १२ बजे देखि ३ बजे सम्म संचालन हुनेछ ।

प्रणय दिवसको अवसरमा आयोजना हुने कार्यक्रममा सहभागी हुन आउने पर्यटकले प्रति जोडी ३ हजार ९ सय ९९ रुपैयाँ तथा प्रति व्यक्ति २ हजार ४ सय ९९ रुपैयाँको प्याकेज पनि प्राप्त गर्न सक्नेछन ।

उक्त प्याकेजमा पर्यटकले छुट्टै केबलकार, लाइभ म्युजिक, बिशेष प्रकारका खाना तथा लक्की ड्र मार्फत गिफ्ट प्राप्त गर्न सक्ने ब्यबस्था मिलाईएको चन्द्रगिरी हिल्स्ले जानकारी दिएको छ ।