चलचित्र ‘नाईं नभन्नु ल–६’ निर्माण हुने

काठमाडौं, चैत ३ – चलचित्र ‘नाईं नभन्नु ल–६’ निर्माण हुने भएको छ । विकास आचार्यले चलचित्र निर्देशन गर्ने छन् । चलचित्रको कथा पनि विकास स्वयंले लेखेका छन् । 

केही समयपछि चलचित्र छायांकनमा जाने छ । अनुभव रेग्मी र सेड्रिना शर्मालगायत कलाकार छनोट भइसकेको विकास बताउँछन् । उनका अनुसार मुख्य भूमिकामा रहने एक महिला पात्र छनोट गर्न बाँकी छ । उनले यो पटक एक टिकटक स्टारलाई पनि डेब्यू गराउँदैछन् । 

चलचित्र ०७८ मा रिलिज हुने छ । ‘नाईं नभन्नु ल’को ब्रान्ड बेच्न सजिलो हुने भएकाले यसको अर्को सिरिज निर्माण गर्न लागेको उनी बताउँछन् । 

‘नाईं नभन्नु ल–६’ नेपालमा सबैभन्दा धेरै सिरिज निर्माण हुने चलचित्र हो ।