चलचित्र पत्रकार संघमा नयाँ नेतृत्व, अध्यक्ष दिनेश सिटौला

काठमाडौं – नेपाल चलचित्र पत्रकार संघको आठौँ महाअधिवेशनले नयाँ नेतृत्व चयन गरेको छ । संघको अध्यक्षमा दिनेश सिटौला निर्वाचित भएका छन् उनले आफ्नो प्रतिस्पर्धी डब्बु क्षेत्रीलाई पराजित गर्दै अध्यक्षमा निर्वाचित भएका हुन् ।

त्यस्तै संघको उपाध्यक्ष (कार्यक्रम) तर्फ जीवन पराजुली अर्का उपाध्‍यक्ष (संगठनतर्फ) कुवेर डंगोल, महिला उपाध्‍यक्षमा दीपज्‍योति थापा, महासचिवमा समीर बलामी, सचिव (खुल्ला) तर्फ रघुनाथ सापकोटा , सचिव (जनजाति) तर्फ विशाल राई निर्वाचित भएका छन् ।संघको कोषाध्‍यक्षमा प्रदीप कार्की निर्वाचित भएका छन् भने सह–कोषाध्‍यक्षमा विनोद पोखरेल विजयी भएका हुन् ।

त्यसै गरी सदस्यहरुमा दिपक गुरुङ, सुरक्षा भट्टराई, आशिष ओली, गोपीकृष्ण चापागाई, मिलन ढुङ्गाना, मनिष अन्जान, नवीन गिरी, सृष्टि पोखरेल विजयी भएका छन् ।