चिनिया टोलीसँग लुम्बिनीमा मोनोरेलको सम्भाव्यताबारे छलफल

काठमाण्डौँ – चिनिया टोलीसँग लुम्बिनीमा मोनोरेलको सम्भाव्यताबारे छलफल भएको छ ।

प्रदेश नम्बर पाँचका मुख्यमन्त्री शंकर पोखरेलसंग चाइना रेलवे इन्टरनेशनल गु्रपको एक टोलीले शुक्रवार भेट गरी रामग्राम—लुम्बिनी—कपिलवस्तु बुद्धसर्किटमा मोनोरेलको संभाव्यता अध्ययन बारे छलफल गरेको हो ।

भेटमा मुख्यमन्त्री पोखरेलले बुद्ध सर्किटमा पर्यटनको संभावना प्रचुर रहेको र प्रदेश सरकार पर्यटन प्रवद्र्धनका लागि पूर्वाधार विकासलाई प्राथमिकता दिएकोले काम गर्ने वातावरण तयार भएको बताए ।

उनले बुद्ध सर्किटमा मोनोरेल सञ्चालन गरी पर्यटक बढाउने सरकारको योजना रहेकोले संभाव्यता अध्ययन, डिपीआर र निर्माण बारे छलफल गरी अघि बढ्न सकिने बताए ।

– राजधानी