चीनमा भन्दा धेरै अमेरिकामा कोरोना भाइरस संक्रमित

काठमाडौं चैत १४, चीनमा भन्दा धेरै अमेरिकामा कोरोना भाइरस संक्रमित भएको छ ।
बिबिसीका अनुसार अमेरिकामा संक्रमितको संख्या ८३ हजार ५ सय पुगेको हो ।
चीनमा हालसम्म कुल ८१ हजार ७ सय ८२ जनामा यो संक्रमण देखिएको छ भने इटालीमा संक्रमितको संख्या ८० हजार ५ सय ८९ पुगेको छ ।
संक्रमितको संख्या चीन र इटालीको भन्दा धेरै भएपनि मृतकको संख्या भने अमेरिकामा कम छ ।
अमेरिकामा हालसम्म कोरोना भाइरसको संक्रमणबाट १२ सय जनाको ज्यान गएको छ भने चीन र इटालीमा क्रमशः ३,२९१ र ८,२१५ जनाको ज्यान गएको छ ।
संक्रमितको संख्या धेरै बढेको प्रश्नमा राष्ट्रपति ट्रम्पले आफूहरूले धेरै परीक्षण गरेकाले यस्तो नतिजा आएको प्रतिक्रिया दिएका छन् ।