जनकपुरमा प्रहरीले चलायो गोली, ११ जना घाइते

काठमाडौँ, माघ २२ – नेपाल कम्युनिष्ट पार्टी नेकपा प्रचण्ड–नेपाल समूहले आज देशभर आम हड्ताल गरिरहेको छ।यसैक्रममा धनुषाकोमा प्रदर्शनकारीसँग झडप हुँदा प्रहरीले गोली चलाएको छ । धनुषाको शिवचोकमा प्रचण्ड–नेपाल समूहका कार्यकर्ताले गाडी चल्न नदिएपछि प्रहरीले खुलाउने प्रयास गर्ने क्रममा  झडप भएको हो  ।

झडपका क्रममा प्रचण्ड–माधव पक्षका नेता रामचन्द्र झा घाइते भएका छन् । नेता झाको टाउकोमा चोट लागेको छ । पूर्वमन्त्री समेत रहेका नेता झाको टाउकोमा चोट लागेपछि उपचारका लागि प्रादेशिक अस्पताल जनकपुर लगिएको छ । प्रहरीले लाठीचार्ज गर्नुका साथै १ दर्जन राउण्ड हवाइ फायर गरेको जिल्ला प्रहरी कार्यालय धनुषाले जनाएको छ । प्रहरीले ९ जना बन्दकर्तालाई पक्राउ गरेको जनाएको छ ।

प्रहरीले बन्दकर्तामाथी दमन गरेको भन्दै आक्रोशित बन्दकर्ताले ना १ क ५१२ नम्बरको प्रहरीको भ्यान र ज १ च १५७० नम्बरको मालसमान ढुवानी गर्ने गाडीमा तोडफोड गरेका छन् ।