जेठ १६ देखि उखु किसानले प्रतिक्विन्टल ६० रुपैयाँ अनुदान पाउने

काठमाडौँ — उखु किसानलाई सरकारले प्रतिक्विन्टल ६० रुपैयाँ अनुदान दिने भएको छ । शुक्रबार बसेको मन्त्रिपरिषद् बैठकले यस रकम दिने निर्णय गरेको हो ।

मन्त्रिपरिषदको पछिल्लो निर्णयअनुसार जेठ १६ देखि लागू हुने गरी किसानले ६० रुपैयाँ अनुदान पाउनेछन ।

गएको जेठमा सार्वजनिक भएको चालु आर्थिक वर्षको बजेटले चिनी उद्योगीलाई दिइएको मूल्य अभिवृद्धिकर फिर्ता लिने (भ्याट) घोषणा गरेको थियो ।

बजेट सार्वजनिक भएलगत्तै चिनी उद्योगीले जेठ १६ देखि नै उखुको मूल्य घटाएका थिए ।

उनीहरूले आफूले भ्याट फिर्ता नपाएको भन्दै उखुको भाउ घटाएका थिए ।

सरकारले गत वर्षका लागि उखुको मूल्य प्रतिक्विन्टल ५ सय ३६ रुपैयाँ निर्धाारण गरेको थियो ।

सरकारले दिने अनुदान किसानसम्म पुर्‍याउने संयन्त्र पनि बनेको छैन ।

सरकारले दरिलो संयन्त्र र अनुगमनको व्यवस्था गर्नुपर्ने किसान बताउँछन् ।

– कान्तिपुर