जेसीबी ब्रान्डका ‘रिटेल आउटलेट’ बेनीमा

काठमाण्डौं–  जेसीबी ब्रान्डका अर्थमुभिङ तथा निर्माण उपकरणको आधिकारिक विक्रेता एमएडब्लू अर्थमुभर्स प्रालिले म्याग्दीको बेनीमा ‘अथराइज्ड रिटेल आउटलेट’ सुरु गरेको छ ।

यहाँबाट जेसीबीका ग्राहकले अन्तराष्ट्रिय स्तरको एफ्टरसेल्स सर्भिस र स्पेयरको सुविधा पाउनेछन् ।

नयाँ आउटलेटको उद्घाटन च्याम्बर अफ कमर्स, म्याग्दीका अध्यक्ष उत्तमकुमार कर्माचार्य र हेभि इक्विपमेन्ट व्यवसायी संघ, म्याग्दीका उपाध्यक्ष कुबिरकुमार श्रेष्ठले संयुक्त रुपमा गरेका थिए ।

आसपासका क्षेत्रमा निर्माण कार्यले तीव्रता पाएसँगै निर्माण व्यवसायीहरूको सहजताका लागि जेसीबीले आधिकारिक आउटलेट सुरु गरिएको नयाँ एआरओका प्रबन्ध निर्देशक बाल कृष्ण खत्रीले बताए ।

नेपालको नम्बर १ ब्रान्ड जेसीबीका एस्काभेटर, ब्याकहो, रोलर, कम्प्युक्टर र लोडअललगायत उत्पादन बजारमा छन् ।