ट्याक्टर पल्टिंदा १ जनाको मृत्यु, १ घाइते

काठमाडौं, ०१ कार्तिक –भीरकोटमा शनिबार दिउसो ट्याक्टर पल्टिंदा एक जनाको मृत्यु भएको छ भने एकजना घाइते भएका छन्। भीरकोट नगरपालिका ३ साम्दि स्थित भित्री कच्ची सडकमा ग १ त ५६३७ न.को ट्याक्टर अनियन्त्रित भइ पल्टिंदा २० वर्षीय बिपिन जि.टी. को मृत्यु भएको हो । यसैगरी, १७ वर्षीय सुनिल रिजाल घाइते भएका हुन्।

सडकमा पल्टेको ट्याक्टरको इन्जिनले च्यापिंदा जि.टी को मृत्यु भएको प्रहरीले जनाएको छ। प्रहरी सहितको टोलीले र्‍याकरको सहायताले उनको मृत शरीर झिकेर पोष्ट मार्टमका लागि प्राथमिक स्वास्थ्य केन्द्र वालिङ पठाएको प्रहरी नायव उपरीक्षक राजेन्द्र अधिकारीले जानकारी दिए।