त्रिकोणात्मक सिरिजको ट्रफी सार्वजनिक

काठमाडौं, वैशाख ३ –  नेपाल, मलेसिया र नेदरल्यान्डबीच शनिबारबाट हुने त्रिकोणात्मक टी–ट्वान्टी अन्तर्राष्ट्रिय क्रिकेट प्रतियोगिताको ट्रफी सार्वजनिक गरिएको छ । 

नेपालका कप्तान ज्ञानेन्द्र मल्ल, मलेसियाका कप्तान फैज अहमद र नेदरल्यान्ड्सका कप्तान पिटर सिलारले संयुक्त रुपमा ट्रफी सार्वजनिक गरेका हुन् । प्रतियोगिता निर्देशक माधब कर्माचार्यले प्रतियोगिता सञ्चालन गर्नै चुनौतिपूर्ण भए पनि सबै प्रोटोकल पालना गर्ने जानकारी दिए ।भोलि नेपाल र नेदरल्यान्ड्सबीच दिउसो १ः१५ मा पहिलो खेल हुँदैछ ।