थप १०४ जनामा कोरोना संक्रमण पुष्टि, ६३ जना संक्रमणमुक्त

काठमाडौं, फागुन २६ – पछिल्लो २४ घण्टामा थप १०४ जनामा कोरोना भाइरस (कोभिड-१९) संक्रमण देखिएको छ। ३ हजार ४८८ स्वाब नमूना परीक्षण गराउँदा १०४ जनामा कोरोना संक्रमण देखिएको हो। संक्रमित हुनेमा ४६ महिला ५८ पुरुष छन्। यो सहित कोरोना संक्रमितको संख्या २ लाख ७४ हजार ९७३  पुगेको छ।  

यस्तै बुधबार थप ६३ जना स्वास्थ्य लाभ गरी घर फर्किएका छन्। योसहित हालसम्म कोरोना जित्नेको संख्या २ लाख ७१ हजार ५० पुगेको स्वास्थ्य मन्त्रालयले जनाएको छ। मन्त्रालयका अनुसार निको हुनेको दर ९८.६ प्रतिशत हो।

देशभर ९११ सक्रिय संक्रमित रहेका छन्। अहिलेसम्म कोरोनाबाट मृत्यु हुनेको संख्या ३ हजार १२ पुगेको मन्त्रालयले जनाएको छ। बुधबार कोरोनाबाट कसैको पनि मृत्यु एको छ।

यस्तै अहिले ५५ जना क्वारेन्टिन र ९११ जना आइसोलेसनमा रहेको मन्त्रालयले जनाएको छ।