थप ५५४ जनामा कोरोना संक्रमण पुष्टि, ५८५ जना संक्रमणमुक्त

काठमाडौं, पुस २४ – नेपालमा पछिल्लो २४ घण्टामा थप ५५४ जना कोरोना संक्रमित थपिएका छन्। यससँगै देशभर कोरोना संक्रमितको कुल संख्या २ लाख ६४ हजार १५९ पुगेको छ।

स्वास्थ्य तथा जनसंख्या मन्त्रालयका अनुसार शुक्रबार ५८५ जना कोरोना संक्रमित डिस्चार्ज भएका छन्। हालसम्म डिस्चार्ज हुनेको संख्या २ लाख ५७ हजार २२९ पुगेको छ।

हाल देशभर ५ हजार २१ जना सक्रिय संक्रमित रहेका छन्। गत चौबीस घण्टामा ५ हजार २ सय ६९ पीसीआर परीक्षण भएको छ।