थप ५९ जनामा कोरोना संक्रमण पुष्टि ; ६० संक्रमित निको, १ संक्रमितको मृत्यु

काठमाडौँ, फागुन २५ – पछिल्लो २४ घन्टामा थप ५९ जनामा कोरोना भाइरस संक्रमण पुष्टि भएको छ । २ हजार ७१५ पीसीआर परीक्षण गरिएको मध्ये मंगलवार ५९ जनामा कोरोना भाइरस पुष्टि भएको स्वास्थ्य तथा जनसंख्या मन्त्रालयले जनाएको छ । यससँगै मुलुकभर कोरोना संक्रमितको संख्या २ लाख ७४ हजार ८ सय ६९ पुगेको छ । 

मंगलवार ६० संक्रमित निको भएका छन् । यससँगै हालसम्म निको हुनेको संख्या  २ लाख ७० हजार ९ सय ८७ पुगेको छ । 

मंगलवार १ संक्रमितको मृत्यु भएको छ । हालसम्म मुलुकभर ३ हजार १२ जनाले कोरोना भाइरस संक्रमणबाट ज्यान गुमाएका छन् ।