थप ६,०८५ जनामा कोरोना भाइरसको संक्रमण पुष्टि, ६,८९८ जना संक्रमणमुक्त

काठमाडौं, जेठ १८ – नेपालमा पछिल्लो २४ घण्टामा थप ६ हजार ८५ जनामा कोरोना भाइरसको संक्रमण पुष्टि भएको छ । बितेको २४ घण्टामा देशभर १७ हजार १४७ जनाको आरटी–पीसीआर र ३ हजार १८ जनाको एन्टिजेन परीक्षणबाट ६,०८५ जनामा संक्रमण पुष्टि भएको हो ।

यो सँगै नेपालमा कोरोना भाइरसबाट संक्रमित हुनेको संख्या ५ लाख ६६ हजार ५८७ जना पुगेको छ ।

नेपालमा पछिल्लो २४ घण्टामा कोरोना भाइरस संक्रमणका कारण ६८ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ७ हजार ४५४ जना पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६ हजार ८९८ जना संक्रमित निको भएका छन् । यो सँगै नेपालमा कोरोना भाइरसको संक्रमणमुक्त हुनेको संख्या ४ लाख ४५ हजार ३४४ जना पुगेको छ । यो कुल संक्रमितको ८०.२ प्रतिशत हो ।

हाल देशभर सक्रिय संक्रमितको संख्या १ लाख ४ हजार ७८९ जना छ । मन्त्रालयका अनुसार हालसम्म नेपालमा ३० लाख ७४ हजार ५७१ जनाको आरटी–पीसीआर विधिबाट स्वाब परीक्षण गरिएको छ भने अहिले १ लाख ४ हजार ७८९ जना आइसोलेशन र ७२५ जना क्वारेन्टिनमा छन् ।