थप ८,९८० जनामा कोरोना भाइरसको संक्रमण पुष्टि, कुल संक्रमितको संख्या ५ लाख नाघ्यो

काठमाडौं, ८ जेठ । नेपालमा पछिल्लो २४ घण्टामा थप ८ हजार ९८० जनामा संक्रमण पुष्टि भएको छ । बितेको २४ घण्टामा देशभर १९ हजार ३५७ जनाको आरटी–पीसीआर र ७४८ जनाको एन्टिजेन परीक्षणबाट ८,९८० जनामा संक्रमण पुष्टि भएको हो ।

यो सँगै नेपालमा कोरोना भाइरसबाट संक्रमित हुनेको संख्या ५ लाख ५ हजार ६४३ जना पुगेको छ ।

नेपालमा पछिल्लो २४ घण्टामा कोरोना भाइरस संक्रमणका कारण १२९ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ६ हजार १५३ जना पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार ८४८ जना संक्रमित निको भएका छन् । यो सँगै नेपालमा कोरोना भाइरसको संक्रमण जित्नेको संख्या ३ लाख ३ हजार ६४ जना पुगेको छ । यो कुल संक्रमितको ७५.८ प्रतिशत हो ।

हाल देशभर सक्रिय संक्रमितको संख्या १ लाख १५ हजार ८०६ जना छ । मन्त्रालयका अनुसार हालसम्म नेपालमा २८ लाख ९७ हजार ५०३ जनाको पीसीआर विधिबाट स्वाब परीक्षण गरिएको छ भने अहिले १ लाख १५ हजार ८०६ जना आइसोलेशन र ८६६ जना क्वारेन्टिनमा छन् ।